हिट फ्रँचायझी देण्याचा अनुभव खूप खास आहे”: ताहिर राज भसीन ने ये काली काली आंखें सीझन 2 च्या यशाबद्दल व्यक्त केल्या भावना
ये काली काली आंखें सीझन 2 प्रेक्षकांना क्राईम, प्रेम, वेड आणि हत्या याच्या थरारक मिश्रणातून खिळवून ठेवत आहे. ताहिर राज भसीन च्या दमदार अभिनयाने, ज्यामध्ये ते एका साध्या माणसापासून धोके आणि त्याच्या आतल्या संघर्षांशी झुंजणाऱ्या पात्राची भूमिका साकारत आहे, या शोच्या यशाचा गाभा तयार केला आहे. जसे-जसे कथानक पुढे सरकते, तशा पात्रांच्या जटिलता आणि रोमांच वाढत जातात, प्रेक्षकांना थक्क करणाऱ्या प्रवासावर घेऊन जातात.
ताहिर म्हणाला, “ये काली काली आंखें च्या या अप्रतिम प्रवासाचा भाग होणे माझ्यासाठी खूप खास आणि अभिमानाची बाब आहे. एका अभिनेत्यासाठी, हिट फ्रँचायझीचा भाग होणे खरोखरच अविस्मरणीय अनुभव आहे. पहिल्या सीझनने प्रेक्षकांच्या मनावर गारूड केले. आता, दुसऱ्या सीझनच्या यशाने, ही एक मोठी फ्रँचायझी बनली आहे जी प्रेक्षकांना पुन्हा पुन्हा परत यायला भाग पाडते.”
ते पुढे म्हणाले, “दुसरा सीझन पहिल्या सीझनच्या शेवटी जिथे कथा थांबली होती तिथून सुरू होतो. यात नवीन ट्विस्ट आणि आव्हानात्मक परिस्थिती जोडल्या आहेत. हे पाहून खूप आनंद होतो की प्रेक्षकांनी या पात्राला अधिक खोलात जाणे आणि त्याच्या धोकादायक प्रवासाला पसंती दिली आहे. कथानकाच्या गुंतागुंतीत, दमदार अभिनयात आणि बहुआयामी गोष्टींत प्रेक्षक गुंतले आहेत. हे सर्व टीमच्या मेहनतीचे आणि प्रेक्षकांच्या प्रेमाचे फळ आहे.”
ये काली काली आंखें सीझन 2 ने पात्रांच्या जटिलतेत अधिक खोलवर जाण्याचा प्रयत्न केला आहे. शोने क्राईम थ्रिलर प्रकारात आपले वेगळे स्थान निर्माण केले आहे, ज्यामुळे प्रेक्षकांना प्रत्येक भाग थरारक वाटतो.
