*एजे लीलाला देणार गृहलक्ष्मीचा मान...!*
*लीलाच ऑफिस मध्ये झालं औक्षण !*
*'नवरी मिळे हिटलरला'* मालिका अनेक रंजक वळणं घेत आहे, एजे आणि लीला याची केमिस्ट्री ही जोडी प्रेक्षकांना भलतीच आवडत आहे. मालिकेत लीला परत सासरी आल्यापासून प्रत्येक क्षण काही ना काही घडतच आहे. लीला खोलीत झोपायला जाते, पण लाईट ऑन-ऑफ करताना तिच्या हातातून काच खाली पडते. दुसरीकडे लीला एजेकडे दुर्लक्ष करतेय, एजेला वाटतंय की लीलाने, सरोजिनी आणि घरातील इतर सर्वांना आपल्याविरोधात केले आहे. त्यामुळे एजे अजूनही रागत आहे. ऑफिसमध्ये एजेला समजतं की दिवाळीचं गिफ्ट अजून ठरलेलं नाही. तो घरी फोन करण्याचा प्रयत्न करतो, पण लीलाने सुनांचा फोन आपल्याकडे घेतलाय. इकडे लीला तीन सुनांनी तयार केलेले फराळाचे पदार्थ पॅक करते आणि तेच ऑफिसमध्ये सर्वांना गिफ्ट म्हणून देते. तिच्या कामामुळे सर्व कामगार तिचं भरपूर कौतुक करतात आणि तिच्या सन्मानासाठी ते लीलाचं औक्षण करायचं ठरवतात. इकडे लीला विश्वरूपला एक खास भेटवस्तू देते. एजे हे सर्व पहात आहे. घरात लक्ष्मी पूजेची तयारी सुरू आहे, पण लीला मात्र घरात नाहीये. एजे तिला शोधण्यासाठी बाहेर पडतो, पण ती कुठेच सापडत नाही. एजे घरी परत आल्यावर लीला स्टोअर रूममध्ये असल्याचं कळतं. एजेला लीलाच दु:ख कळतं आणि त्याला तिची खूप दया येते. एजे सगळ्यांच्या समोर लीलाच्या हातातलं मंगळसूत्र घेऊन तिच्या गळ्यात घालतो. पाडव्याचं हे खास गिफ्ट एजे कडून लीलाला मिळत. लीलाही एजेला भेटवस्तू देते.
तेव्हा पाहायला विसरू नका एजे- लीलाच्या पाडव्याचे अमूल्य क्षण "नवरी मिळे हिटलरला' दररोज रात्री १० वा. फक्त आपल्या झी मराठीवर.
